കൊച്ചി: ഞായറാഴ്ച്ച യു.പി.എസ്.സി സിവില്‍ സര്‍വ്വീസസിലേക്കുള്ള പ്രിലിമിനറി പരീക്ഷ നടക്കുന്നതിനാല്‍ കൊച്ചി മെട്രോ സര്‍വ്വീസ് സമയം ദീര്‍ഘിപ്പിക്കുന്നു. പരീക്ഷയെഴുതുന്നവര്‍ക്ക് കൃത്യ സമയത്ത് തന്നെ പരീക്ഷാ സെന്ററില്‍ എത്തുന്നതിനായി ഞായറാഴ്ച്ച രാവിലെ 6 മണി മുതല്‍ കൊച്ചി മെട്രോ സര്‍വ്വീസ് ആലുവ, എസ് എന്‍ ജംഗ്ഷന്‍ സ്‌റ്റേഷനുകളില്‍ നിന്ന് ആരംഭിക്കുന്നതാണ്. നിലവില്‍ രാവിലെ 7.30നാണ് കൊച്ചി മെട്രോ ഞായറാഴ്ച്ചകളില്‍ സര്‍വ്വീസ് ആരംഭിച്ചിരുന്നത്. രാവിലെ 6 മുതല്‍ 7.30 വരെ പതിനഞ്ച് മിനിറ്റി ഇടവേളകളിലായിരിക്കും സര്‍വ്വീസ്.